Mançester Siti do të përballet me Real Madrid në fazën “play-off” të Ligën së Kampioneve, teksa rival tjetër i mundshëm ishte dhe Bajerni. Guardiola ka folur pas shortit që i vendosi përballë madrilenëve.
Trajneri i Sitit tregon se dhe nëse do ishte një skuadër e rangut të Sëlltik, mund të qëllonte më keq.
“Duket si një derbi tashmë. Katër vite rrjesht duke u përballur me Realin. Pasi të luajmë këtu, shpresojmë të arrijmë në Madrid pas një jave sa më mirë që të jetë e mundur.
Mund të ishte short më i mirë. Për një gol më shumë, mund të kishim një kundërshtar tjetër. Por kush mund të thotë nëse të luash me Sëlltikun apo një skuadër tjetër mund të ishte edhe më keq. Mund të luanim keq dhe ata të kalonin.
Shorti është short. Bajerni është shumë i vështirë, Reali është shumë i vështirë”, u shpreh Guardiola.
PANORAMASPORT.AL
