Trajneri i Manchester Cityt, Pep Guardiola ka folur para ndeshjes së nesërme me Real Madridin, ndeshje kjo të cilën e cilësoi si më të rëndësishmen që prej se është te kampioni anglez.
Nesër me fillim nga ora 21:00 stadiumi “Etihad” do të jetë nikoqir i super ndeshjes mes Manchester Cityt dhe Real Madridit, ndeshja kjo e kthimit pas barazimit 1:1 në “Santiago Bernabeu”.
Para ndeshjes, trajneri i Cityt, Guardiola tha se çdo gjë është në duart e tyre, dhe se iu duhet vetëm një fitore për ta arritur finalen e Ligës së Kampionëve.
“Nesër është njëra nga ndeshjet më të rëndësishme që prej se jam këtu, nuk mund ta mohojmë këtë gjë. Ju kam thënë lojtarëve që ta shijojnë atë. Ne duhet të jemi shumë me fat që jemi këtu. Është në duart tona, dhe ne duhet ta fitojmë një ndeshje për ta arritur finalen”, tha Guardiola.
“Ne presim kundërshtarin më të vështirë të mundshëm, por kjo është sfida. Duhet të bëjmë më mirë se sa në ‘Bernabeu’. Ndjenja është aty dhe duhet të jetë e lartë, por ne duhet të bëjmë paraqitje më të mirë”, tha shtoi më tej Guardiola.
