Tifozët e Real Madridit do të duan të harrojnë sa më shpejt ndeshjen e dytë gjysmëfinale të Ligës së Kampionëve kundër Manchester Cityt.
Arsyeja është e qartë, humbja 4:0 në Etihad do të ndjekë për një kohë të gjatë klubin mbretëror.
Duket se trajnerit të Manchester Cityt, Pep Guardiolas nuk i kanë mjaftuar katër gola kundër Real Madridit.
Guardiola ka festuar fitoren e madhe me drejtuesit e Cityt, por edhe me miqtë e tij. E tubimin pas fitores së madhe e ka përjetësuar një foto që ka përfunduar në rrjetet sociale.
Si thuajse të gjithë në foto, edhe Guardiola ngriti katër gishtat në ajër, duke aluduar për fitoren e madhe të Manchester Cityt dhe një veprim i tillë nga tifozët e Realit u perceptua si një provokim i madh.
Manel Estiarte publicó esta foto en la que se puede ver a Guardiola y a gente de su círculo celebrando el triunfo contra el Real Madrid. Los cuatro dedos están dando mucho que hablar. pic.twitter.com/o3oV18elW8
— El Partido de la Una (@PartidodelaUna) May 18, 2023
Fotoja e lartpërmendur është publikuar nga miku i Guardiolës dhe anëtar i shtabit të trajnerëve të Manchester Cityt, Manuel Estiarte në Instagram.
Mes atyre që ishin në foto janë vëllai i Guardiolës, Pere, presidenti i Cityt Khaldoon Al Mubarak, si dhe ish-presidenti argjentinas Mauricio Macri, të cilët po festonin në një dhomë private në Etihad.
Manchester City në finalen e Stambollit do të përballet me Interin më 10 qershor./Lajmi.net/
