Sjellja e Pep Guardiolës ka fituar vëmendjen e të gjithëve në kohët e fundit. Siti kaloi disa humbje, që ndodhnin për herë të parë me trajnerin spanjoll në krye.
Së fundmi po qarkullon një video në rrjetet sociale, që nuk dihet kur është filmuar. Guardiola shfaqet në tentativë për të sulmuar një tifoz, i cili po tallet me trajnerin e Sitit pas një ndeshje të humbur.
“Po qan se ke humbur”, i drejtohet tifozi Guardiolës. Ky i fundit i kthehet dhunshëm duke iu drejtuar: “Dëshiron të dish si është të humbësh?”
Aktualisht Siti është 9 pikë larg Liverpulit kryesues në Premier Ligë. “Qytetarët” mbajnë vendin e katërt pas 14 javësh kampionat.
