Në fjalët e Marc Guehi ndihet njëfarë hidhërimi. Duke folur për kanalet zyrtare të klubit, mbrojtësi i Manchester City analizoi humbjen e rëndë në shtëpi ndaj Paris Saint-Germain në Champions League.
“Duhet të kishim bërë shumë më mirë në pjesën e pare, përfshirë edhe mua, veçanërisht në lidhje me dy golat e parë që pësuam. Mendoj se ata ishin më agresivë, duke fituar shumë duele individuale në pjesën e pare. Kjo u dha mundësinë të krijonin terrenin për të shënuar ato gola”, tha mbrojtësi anglez.
Më tej, ai shtoi: “Në pjesën e dytë ndodhi e kundërta: ne ishim shumë më agresivë. Fituam shumë më tepër duele, gjë që na dha vrullin e nevojshëm për të shënuar. Nuk ishte pjesa jonë më e mirë, por mund të nxjerrim shumë gjëra pozitive nga pjesa e dytë”.
“Kjo tregon shumë, jo vetëm për lojtarët, por për të gjithë klubin; tifozët na mbështetën gjatë gjithë ndeshjes. Mbështetja e tyre ishte e jashtëzakonshme. Besoj se të gjithë e dinin që, nëse vazhdonim të luftonim, mund të merrnim diçka nga kjo ndeshje”, tha Guehi.
“Mendoj se jemi ende në fazën e hershme të kompeticionit. Shpresojmë të mësojmë nga ajo që ndodhi dhe të ofrojmë paraqitje më të mira në ndeshjet e ardhshme“, tha anglezi.
