Mesfushori i Gjermanisë, Ilkay Gundogan foli për kundërshtarët e ardhshëm të Gjermanisës, Spanjën dhe gjithashtu për ish-bashkëlojtarin e tij nga koha e tij në Manchester City, Rodri.
Gundogan foli me lavdata të larta për mesfushorin spanjoll, Rodri duke e cilësuar atë si nga më të mirët në botë, transmeton GazetaBlic Sport.
“Ai është aktualisht në mesin e dy ose tre mesfushorëve më të mirë mbrojtës në botë, ndoshta edhe më të mirët. Ju gjithmonë mund t’ia kaloni topin, ai gjithmonë e kërkon atë, ai pothuajse gjithmonë merr vendimin e duhur dhe pothuajse kurrë nuk e humb topin. Ai është një lojtar që çdo trajner dhe çdo skuadër do të donte ta kishte në krah”.
Ndeshja mes Spanjës dhe Gjermanisë luhet nesër nga ora 18:00.
/GazetaBlic Sport/
