Ilkay Gundogan është rikthyer te Manchester City. Mesfushori gjerman vendosi që të mbyllte aventurën e tij me Barcelonën vetëm pas 1 viti, për t’u rikthyer përsëri në Premier League te “Qytetarët”.
Në rrjetet sociale 33-vjeçari publikoi eedhe një video ku tregonte se ndihej më pak i mërzitur nëse largimi i tij do të ndihmonte financiarisht Barçën.
“Gjithmonë kam dashur që të luaj për Barçën dhe i jam shumë mirënjohës për kujtimet e krijuara, do të jetë një eksperiencë, të cilën do ta mbaj mend të gjithë jetën. Nesë largimi im i ndihmon ata financiarisht them se ky fakt e bën largimin tim më pak të dhimbshëm”, tha mesfushori, i cili ka firmosur për një vit me City-n me të drejtë rinovimi edhe për një vit tjetër.