Futbollisti Erling Haaland mund të kalojë një ditë në burg herën tjetër që të vijë në Zvicër për një gjobë të papaguar prej 60 frangash.
Sulmuesi norvegjez, i cili fiton rreth gjysmë milioni euro në javë, do ta shmangë këtë dënim nëse e kryen pagesën para se të mbërrijë në vend.
Babai i tij Alf-Inge jeton në Zvicër, kështu që gazeta Blick thotë se Haaland mund të vonohet një ditë për mbledhjen familjare për Krishtlindje nëse nuk bën të nevojshme dhe nuk paguan borxhin ndaj kantonit Vaud.
Shtohet se një gjë e tillë nuk është reale të pritet, pra që Haaland me siguri do ta zgjidhë problemin para se të mbërrijë në Zvicër.
Haaland ka kontratë me Manchester Cityn deri në verën e vitit 2027.
