Erling Haaland zbulon golin e tij të preferuar në këtë sezon me Manchester City.
Ylli i ‘Citizens’, Erling Haaland, e ka cilësuar goditjen e tij me biçikletë kundër Southamptonit si golin e tij të preferuar këtë sezon.
Haaland ka 36 gola në Premier Ligë, teksa ende ka edhe një ndeshje për të zhvilluar.
Por, ai pranoi se i preferuari i tij personal erdhi në minutën e 68’ të përplasjes së Man City me Southampton.
Sulmuesi hyri në fushë dhe pas një krosimi të Jack Grealish realizoi me një goditje atletike me biçikletë për t’i dhënë Man City një epërsi 3-0.
Duke folur në çmimet e Shoqatës së Shkrimtarëve të Futbollit, Haaland tha:
“Goditja me biçikletë kundër Southampton ishte diçka e veçantë, apo jo? Të varesh në ajër këtë trup të madh ashtu!”, ishin fjalët e norvegjezit.
Haaland ka shënuar 52 gola në të gjitha garat, ndërsa skuadra e Pep Guardiolës janë tre ndeshje larg kompletimit të tripletës së tretë në historinë e futbollit anglez./Lajmi.net/
