Mbrojtësi i Kombëtares së Kosovës, Albian Hajdari ka deklaruar se ndaj Zvicrës të gjithë futbollistët do ta japin maksimumin.
Hajdari është paraqitur në konferencën për shtyp përkrah selektorit Franco Foda.
“Është shumë e rëndësishme, jemi në seri shumë të mirë. Edhe ndaj Zvicrës do ta japim maksimumim. Do të hyjmë në ndeshje për t’i marrë tre pikët. Ndeshjen e kaluar kemi shkruar histori”, ka thënë Hajdari.
Kosova të martën nga ora 20:45 e pret Zvcrën në “Fadil Vokrri” në ndeshjen e fundit kualifikuese të Kupës së Botës 2026.
