Hansi Flick pranon se ka ndryshuar plotësisht që kur ka marrë drejtimin e Barcelonës.
Trajneri gjerman, dikur dhuronte një pamje të ngurtë në pankinë, ndërsa tani është shumë më emocional, shpërthyes dhe me raste edhe me gjeste antisportive, si ai që bëri gjatë fundjavës në momentin e golit të Arauhos.
“Nuk jam më nervoz, ndoshta emocionet e mia nuk janë të njëjtat si më parë. Më kujtohet kur isha trajner i Bajern Mynihut, kishte pamje të fitores sonë 8-2 kundër Barçës, dhe nuk buzëqeshja kurrë me 8 golat”, tha sot Flik në konferencë për mediat para ndeshjes së Ligës së Kampioneve kundër Olimpiakosit.
“Tani kam më shumë emocione, edhe ky klub më ka ndryshuar plotësisht. Ajo që mund të them është se e dua këtë klub, e dua Barcelonën, i dua njerëzit këtu, është e pabesueshme dhe jap maksimumin për këtë klub. Jetoj për klubin.
Të jem i sinqertë, nuk më pëlqejnë këto gjëra kur e shoh veten në TV dhe nuk më pëlqen që nipi im të më shohë kështu. Ndoshta duhet të ndryshoj sjelljen time”, ishin fjalët e trajnerit gjerman.
