Trajneri i Barcelonës, Hansi Flick, ka dhënë një përditësim të rëndësishëm mes thashethemeve se njëri prej lojtarëve të tij do të largohet këtë verë.
Para ndeshjes së fundit të sezonit ndaj Athletic Bilbaos, një Flick i relaksuar iu përgjigj pyetjeve mbi të ardhmen e disa lojtarëve.
Flick ripërsëriti besimin e tij tek drejtori sportive Deco, teksa ish-reprezentuesi portugez po vazhdon bisedimet e rinovimit të kontratës me Lamine Yamal.
Ish-trajneri i Bayern Munichut nuk ishte i sigurt për të ardhmen e Ansu Fatit, me reprezentuesin spanjoll që po lidhet me një kalim tek Monaco.
Sidoqoftë, një lojtar tek i cili Flick do të mbështetet në sezonin 2025/2026 është Ronald Araujo, pavarësisht se është folur për një kalim të mundshëm të tij në Ligën Premier.
Thashethemet për largimin e Araujos janë rritur gjatë javëve të fundit, pasi klauzola e tij e lirimit do të bie dukshëm në javën e parë të qershorit.
“Ai do të qëndrojë, ai ka një kontratë. Ai do të qëndrojë. Unë kam 100 për qind besim tek ai”.
“Ka qenë një sezon i vështirë për të. Nuk ka qenë e lehtë. Cubarsi dhe Inigo patën një sezon fantastik, nuk ka qenë e lehtë për Araujon që ta dëshmojë kualitetin e tij”.
“Por unë kam shumë besim dhe ai definitivisht do të përmirësohet kur të fillojë sezoni i ri”, ka thënë Flick.
