Merkatoja e verës vazhdon të dominohet nga Arabia Saudite, klubet e së cilës po bindin disa lojtarë që të largohen nga futbolli europian me oferta faraonike. Rrugën e hapi Cristiano Ronaldo, i cili së shpejti mund të ketë një rival top-player në ligën saudite.
Sipas raportimeve të “Sport”, Al Hilal është duke synuar transferimin e Mbappe dhe është i gatshëm ta mbulojë me ar për ta bindur të nënshkruajë. Klubi saudit ka marrë tashmë një përgjigje negative nga një lojtar i rëndësishëm, kur Leo Messi preferoi Inter Miami në vend të ofertës arabe.
Al Hilal dëshiron të transferojë Mbappe dhe ta bëjë lojtarin më të rëndësishëm të kampionatit./h.ll/abcnews.al
