Harry Kane ka fituar trofeun “Gerd Muller 2024”, që i jepet lojtarit që shënoi më shumë gola në sezonin 2023-2024, në ceremoninë e Topit të Artë në Paris mbrëmjen e djeshme.
Sulmuesi anglez ka deklaruar se synon që të qëndrojë sa më gjatë në Mynih, me objektivin e qartë: të shënojë sa më shumë gola dhe të fitojë sa më shumë trofe.
“Më duhet të falënderoj Bayernin dhe France Football që më votuan këtë mbrëmje. Ky çmim mban emrin e një legjende të klubit tim dhe kjo më bën edhe më krenar. Kalimi nga Tottenham tek Bayern ishte një përvojë e re për mua dhe familjen time.
Dua t’i falënderoj shokët e mi, shpresoj se mund të vijnë më shumë gola dhe suksese. Unë jam duke mësuar gjermanisht, shpresoj të qëndroj edhe për disa vite dhe ta bëj më mirë”, ka thënë mes të tjerash Kane.
