Disa nga stafi i Anglisë thonë se festimi i Harry Kane për golin e Ollie Watkins kundër Holandës ishte më i madh se sa nëse ai do të kishte shënuar vetë. I zëvendësuar në minutën e 81-të, sulmuesi i Bayern Munich ishte një nga të parët që u ngrit në këmbë nga pankina dhe, sapo Watkins doli nga rrëmuja e shokëve të skuadrës, kapiteni i Anglisë e përqafoi dhe i foli.
“Të jem i sinqertë, nuk më kujtohet se çfarë i thashë. Falenderoj Ollie, nuk është e lehtë të mos e nisësh ndeshjen nga fillimi. Nuk është e lehtë të presësh shansin tënd. Njohja se si ta shfrytëzonte atë mundësi pasi ai e bëri atë që bëri, me atë gol, ishte një meritë dhe padyshim një rezultat i madh për ekipin”, tha Kane.
Për Kane nuk ka rëndësi nëse është në fushë 90 minuta apo jo. Për kapitenin anglez, një skuadër është gjithmonë një kolektiv që shkon përtej 11-shes startuese në fushë. Kjo është shenja e një lideri të vërtetë. “Kjo është arsyeja pse ne jemi një ekip. Kur të gjithë luftojnë në të njëjtin drejtim kuk ka ego të përfshirë”, tha Harry Kane.
“Unë gjithmonë përpiqem të jap një shembull. Unë gjithmonë përpiqem të jem lider ku ekipi është në vendin e parë. Eshtë më e rëndësishmja dhe kjo është ajo që ndiej se bëj më mirë”, tha sulmuesi i Bayern Munich.
“Si sulmues do të doja të shënoja të dielën, por nëse dikush tjetër e bën dhe ne fitojmë, nuk do të zhgënjehem. Të gjithë duan të arrijnë të njëjtin qëllim. Dhe nëse luan një minutë apo luan çdo minutë, nëse fitojmë, do të festojmë të gjithë së bashku dhe kjo është gjëja më e rëndësishme”, tha Harry Kane.
