Jordan Henderson ka postuar një mesazh emocional lamtumire për tifozët e Liverpoolit përpara kalimit të tij në Al Ittifaq.
Henderson është në prag të përfundimit të transferimit të tij në skuadrën e Pro Ligës Saudite, pasi i është ofruar një pagë prej 700,000 funte në javë për t’u bashkuar me grupin, të cilët menaxhohen nga ish-shoku i tij i skuadrës në Liverpool, Steven Gerrard.
Reprezentuesi anglez u largua nga kampi i stërvitjes parasezonale të Liverpool-it në Gjermani të mërkurën e kaluar për t’iu nënshtruar testeve mjekësore në Mançester.
Ai tani ka konfirmuar se do të largohet nga “Anfield” në një video prekëse lamtumire në Instagram.
Henderson përfundon kështu një lidhje 12-vjeçare me Liverpoolin për t’u bashkuar me një skuadër që nuk ka fituar në katër miqësoret e tyre para-sezonale nën drejtimin e Gerrard.
“Nuk jam i sigurt se kam fjalë për të përmbledhur se si ndihem tani. Jam në dhomën e zhveshjes për herë të fundit dhe siç mund ta imagjinoni është shumë emocionuese”, thotë Henderson.
“Më duhet të shpjegoj disi se çfarë kanë ndjerë këto 12 vitet e fundit personalisht, por familja ime. Ende e mbaj mend qartë atë natë të qershorit 2011. Isha i emocionuar dhe më pas nervoz pasi lëvizja nga Sunderland u bë realitet.Nuk mund të gënjej. Ka pasur momente vërtet të vështira, por kur të shikoj prapa në karrierën time në Liverpool, do të jenë gjithmonë momentet e mira që do të kujtoj”, ka shkruar anglezi.
Mendohet se Henderson foli gjerë e gjatë me trajnerin e Liverpool-it, Jurgen Klopp, për minutazhën dhe rolin e tij të ardhshëm në skuadër, përpara se të vendoste të bëjë ndryshimin.
Klopp e kishte lënë Hendersonin jashtë skuadrës së Liverpool-it për dy miqësoret e para-sezonale pasi Al-Ettifaq u kthye në tavolinë me një ofertë që klubi nga “Anfield” ishte i lumtur ta pranonte.
