Fitoren kundër Benfikës e ka komentuar dhe autori i golit të vetëm të ndeshjes, Rafinja.
Braziliani ka ndëshkuar edhe njëherë “shqiponjat” siç kishte bërë më herët gjatë vitit në atë 4-5 të çmendur. Ai ka deklaruar në fund të ndeshjes se ndihet i lodhur, por dhe i lumtur për suksesin.
NDESHJA – “Do të gënjeja nëse do të thosha se nuk jam i lodhur. Jam i dërrmuar madje pas një ndeshje të tillë ku kemi shpenzuar shumë energji. Kishim një plan të qartë para takimit, por gjithçka u hodh në erë pas kartonit të kuq. Na u desh të mbroheshim thellë dhe të shfrytëzonim rastin tonë. E bëmë dhe jemi të lumtur”.
ANALIZA DHE KUALIFIKIMI – “E kisha të fokusuar në kokë se në fund do të ishte një ndeshje e ndërlikuar, siç ndodhi dhe në janar. Por në fakt u bë dhe më e ndërlikuar për episodin me Kubarsin. Për fat unë gjeta golin. Mendoj se është një rezultat shumë i mirë për vetë mënyrën si rrodhën ngjarjet. Për fat në portë kishim një si Shezni”, deklaroi braziliani.
PANORAMASPORT.AL
