Pas oraganizimit perfekt të Kupës së Botës në Katar, FIFA i ka besuar një tjetër event madhor të botës së futbollit, Linjdes së Mesme, teksa këtë të mërkurë organi më i lartë i futbollit në botë, ka hedhur shortin e Kupës së Botës për Klube event ky që do të mbahet mes 12-23 dhjetorit, në qytetin e Xhedahut, në Arabinë Saudite.
Për herë të parë në historinë e këtij kompeticioni është vendosur që disa skuadra të marrin pjesë në bazë të koeficentit, si në rastin e klubeve evropiane, që do të përfaqësohen nga tre skuadrat e fundit fituese të UEFA Champions League, Chelsea, Manchester City e Real Madrid.
Përveç fituesve të Champions League, me tre skuadra do të përfaqësohet gjithashtu dhe Amerika e Jugut, ku në rastin e tyre në kompeticion do të hyjnë tre skuadrat e fundit fituese të Copa Libertadores, Palmeiras, Flamengo dhe një ekip i tretë, i cili ende nuk është përcaktuar.
Përsa i përket klubeve të tjera, “fati” ka qenë në krahun e skuadrë së Karim Benzema, Al-Ittihad, të cilët fillimisht do të përballen me skuadrën nga Zelanda e Re, Auckland City e në rast kualifikimi do të ndeshen me egjiptianët e Al-Ahly.
Ndërsa, në krahun tjetër të shortit kampionët e CONCACAF ose të thënë ndryshe të Amerikës Veriore e Qëndrore, Club Leon do të përballen me kampionët e Azisë, japonezët e Urawa Reds. /i.m /abcnews.al
