Manchester United, Liverpool, Arsenal dhe Tottenham Hotspur arritën të kalojnë në çerekfinale nga skuadrat e mëdha në Carabao Cup.
Ndërkohë klubet si Manchester City dhe Chelsea u eliminuan, pasi edhe nuk i kushtuan shumë rëndësi kësaj gare.
Tashmë janë mësuar edhe përballjet çerekfinale në Carabao Cup, ku Manchester United do të ketë punë shumë të vështirë në udhëtim te Tottenham Hotspur.
Arsenali do të luajë derbin londinez pasi pret Crystal Palace, teksa fat kishte edhe Liverpooli, që do të përballet me Southamptonin në udhëtim.
Përballja tjetër në çerekfinale do të jetë ajo mes Newcastle United dhe Brentford.
Të katër sfidat çerekfinale në Carabao Cup do të zhvillohen më 16 dhjetor.
Shorti i çerekfinaleve
Tottenham Hotspur – Manchester United
Arsenal – Crystal Palace
Newcastle United – Brentford
Southampton – Liverpool
