Vera e 2024-ës do të jetë e mbushur me aktivitet futbollistike, pasi paralelisht do të luhet Kampionati Europian, që mbahet në Gjermani, si dhe Kupa e Amerikës (dikur njihej si Kupa e Amerikës Latine). Ky Kompeticion do të zhvillohet për herë të 48-të dhe nis më 20 qershor 2024, për t’u mbyllur me finalen e madhe të 14 korrikut, që do të luhet në stadiumin “Hard Rock”, të Floridës.
Dje është hedhur shorti i këtij kompeticioni, ku grupi ku bën pjesë Brazili është quajtur si “grupi i vdekjes”.
Në grupin A bëjnë pjesë kampionia në fuqi Argjentina, Peruja, Kili dhe një prej fituesve të sfidës Kanada-Trindidad & Tobago.
Në grupin B bëjnë pjesë Meksika, Ekuadori, Venezuela e Xhamajka.
Në grupin C bëjnë pjesë SHBA, Uruguai, Panamaja dhe Bolivia.
Në grupin D bëjnë pjesë Brazili, Kolumbia, Paraguaj dhe një prej fituesve të sfidës Honduras-Kosta Rika.
Për herë të dytë, në histori të këtij kompeticioni, pjesëmarrëse do të jenë 16 përfaqësuese, ku 10 prej tyre janë amerikano-latine dhe 6 të tjera vijnë nga CONCACAF (Konfederata e Futbollit të Amerikës së Veriut, asaj Qendror dhe Shoqatës së Futbollit të Karaibeve).
PANORAMASPORT.AL
