Trajneri i Liverpool nuk ka prituar aspak mirë gjestin e bërë nga Ekitike mbrëmjen e kaluar pas shënimit të golit të fitores përballë ekipit të Southamton-it.
Francezi, i cili hoqi fanellën për festuar golin që kualifikoi ekipin në raudin e tretë të Carabao Cup, mori kartonin e dytë të verdhë dhe u largua nga fusha i shoqëruar nga sytë e habitur të Arne Slot, i cili në fund të ndeshjes kritikoi sjelljen e sulumuesit.
“I thash lojtarit se do të kuptoja mënyrën si festoi pas golit të dytë vetëm nëse do të kishte shënuar një gol fitoreje në finalen e Champions League në të 87’ pasi kishte dribluar tre lojtarë. Unë jam një trajner tradicional. Kurrë nuk kam luajtur në të tilla nivele, por kam shënuar disa gola. Nëse do të kisha shënuar një gol si ai i Ekitike do të kisha shkuar te Chiesa dhe do t’i thoja: ‘Ky gol është i yti’. Hugo bëri një gjest të panevojshëm dhe budalla”, tha trajneri holandez. Sipas rregullores së Federatës së Futbollit sulmuesi francez edhe pse u ndëshkua më karton të kuq në një ndeshje të Carabao Cup do ta shlyej dënimin në takimin e ardhës së Premier Ligë ku Liverpool do të udhëtojë drejt Londrës ku e pret Crystal Palace.
