Trajneri i Newcastle, Eddie Howe nuk e ka përjashtuar mundësinë që Sandro Tonali të paraqitet të shtunën në Premier League.
Tonali është përjashtuar nga futbolli për dhjetë muaj për shkak të përfshirjes në skandalin e basteve në Itali, ka njoftuar Fderata e Futbollit e Italisë.
Mesfushori, i cili iu bashkua Newcastle United nga AC Milan këtë vit, duhet gjithashtu të marrë pjesë në seancat e trajtimit për lojtarët me probleme.
Por trajneri i skuadrës angleze nuk e përjashton mundësinë që futbollisti të jetë në fushë kundër në Premier League kundër Wolves të shtunën.
“Ne ende nuk kemi konfirmim zyrtar si klub futbolli. Ne kemi dëgjuar lajmet, deklaratën, por nuk kemi asgjë nga autoritetet italiane për momentin, kështu që jemi duke pritur që të vjen konfirmimi zyrtar”, ka thënë Howe.
Italiani hyri si zëvendësues në humbjen 1-0 të Newcastle nga Borussia Dortmund të mërkurën në Champions League.
