Andrej Lazarov u nda nga jeta, pasi u helmua duke u mundua të shpëtojë jetë njerëzish në tragjedinë e Koçanit. Ish-futbollisti i Shkupit ka lënë pas një dhimbje të madhe për skuadrën e tij.
Klubi shqiptar në Maqedoninë e Veriut, tregon se stërvitja e sotme nuk u zhvillua pas kërkesës së lojtarëve.
Njoftimi i Shkupit:
“Me një boshllëk të madh dhe dhimbje të pafund pas humbjes të Andrej Lazarovit, sot tentuam ti rikthehemi procesit stërvitor.
Megjithatë, stërvitja e sotme u anulua me kërkesë të lojtarëve!
Stërvitjet dhe vazhdimi i sezonit do të jenë më të vështirat ndonjëherë për ne, por do të luajmë për të, me të dhe në nder të tij.
Andrej do të jetë gjithmonë pjesë e familjes sonë”, shkruhet në njoftimin e klubit.
PANORAMASPORT.AL
