Bajern Mynih ka pësuar sot një humbje turpëruese, teksa është mundur me shifrat 3-2 me përmbysje nga Haidenhaim, skuadra debutuese e këtij sezoni në elitën e futbollit gjerman. Një humbje që ka lënë një shije të hidhur te tifozët por edhe te një legjendë e këtij klubi si Lotar Mateus.
Ish-kapiteni i bavarezëve, menjëherë pas ndeshjes i ka bërë thirrje klubit që të shkarkojë Tuhel para ndeshjes me Arsenalin në Ligën e Kampioneve, pasi ekipi rrezikonte të shpërbëhej.
“Ky rezultatet tregon shumë. Tomas Tuhel nuk mund ta drejtojë me ekipin! Ka konferenca për shtyp të çuditshme, deklarata të çuditshme. Ka kritika të çuditshme prej tij. Ndaj e imagjinoj që Bajern Mynih do të reagoj në 24-48 orët e ardhshme.
Nuk mund të vazhdohet më kështu! Skuadra ka nevojë për një impuls të ri. Tomas Tuhel nuk mund t’ia dhurojë më atë.
Kush mund ta zëvendësojë? Emrat që janë përmendur deri tani janë për të ardhmen. Por kjo skuadër nuk ka harruar se si luhet futbolli. Thjesht të zgjedhin një dhe do të bëjë më mirë”, tha Mateus.
PANORAMASPORT.AL
