Mirel Josa nuk është më trajner i Besës. Klubi i Kavajës, që militon në Kategorinë e Parë, ka zyrtarizuar pikërisht ditën e Krishtlindjes divorcin me teknikun e njohur tiranas për shkak të rezultateve larg pritshmërive. Humbja e fundin në shtëpi me Apoloninë ishte vendimtare në marrjen e këtij vendimi.
Në njoftimin e shkurtër të klubit shkruhet:
“FC Besa dhe trajneri Mirel Josa kanë vendosur me konsensus të ndërpresin bashkëpunimin.
FC Besa e falënderon trajnerin për kontributin e dhënë gjatë kësaj periudhe bashkëpunimi.”
Besa, pas 17 javëve kampionat renditet e treta me 38 pikë, një më pak se Flamurtari, që e zhvendosi një pozicion më poshtë.
Teilen:
