Kroacia nuk arriti të merrte trofeun e Ligës së Kombeve duke qenë se u mund në finale nga Spanja pas penalltive. Për Luka Modriç, ndoshta ky ka qenë kompeticioni i fundit me skuadrën kombëtare duke qenë se koha nuk i premton shumë.
Në përfundim të ndeshjes, mesfushori 37-vjeçar u shpreh se ka marrë një vendim për të ardhmen e tij, megjithatë ka preferuar që për momentin të mos flasë. Modriç iu përgjigj pyetjeve të gazetarëve duke lënë gjithçka të hapur.
“Jam i qartë në lidhje me vendimin për të ardhmen time, por nuk ka ndër mend që ta them tani”, u shpreh Modriç para gazetarëve. Mesfushori kroat ka qenë vendimtar në vitet e fundit, ku me Kroacinë shkoi deri në finalen e Botërorit në Rusi si edhe u rendit në vendin e tretë në Katar.
PANORAMASPORT.AL
