Në çfarë gjendjeje është Mats Hummels? Derbi i Romës është afër, Lazio është një kundërshtar më i frikshëm se kurrë këtë vit dhe mbrojtësi gjerman synon të jetë i pranishëm. Por ai duhet të jetë në formën më të mirë, siç e pranon në intervistën e tij për ‘Il Messaggero’:
“Po të mos isha sëmurë disa herë, do të flisnim për qind për qind të formës. Por disa viroza më kanë dobësuar pak. Po rikuperoj ritmin e ndeshjes, stërvitem rregullisht dhe po kthehem në formë, në përgjithësi jam i kënaqur”.
Çfarë mendoi kur Juric e futi në lojë në Firence, kur rezultati ishte 4-1, ekipi ishte me 10 lojtarë dhe tashmë po rrëshqiste? “Thashë mos bëj asgjë të shëmtuar, luaj thjesht. As nuk pata kohë ta mendoj që bëra autogol. Në atë moment më erdhi për të qeshur, ishte një periudhë kur gjithçka po shkonte keq. Në jetën time kam kërkuar gjithmonë të përballem me situatat negative me humor, filozofi pune kjo, duke menduar se më vonë gjërat do të rregullohen.”
