Juventusi është në finalen e madhe të Kupës së Italisë në futboll. Lazios nuk i mjaftoi fitorja me rezultat 2:1 ndaj Juventusit, pasi që ndeshjen e parë në Torino pati përfunduar me rezultat 2:0 në favor të Juves.
Juventusi është kualifikuar me rezultat të përgjithshëm 3:2, ndërsa Hysaj me Lazion të pafat.
Futbollisti argjentinas, Taty Castellanos, është figura më e ndritshme e mbrëmjes në radhët e Lazios, duke shënuar dy gola.
Sulmuesi argjentinas realizoi në minutën e 12-të dhe të 49-tën për epërsinë 2:0 të Lazios.
Milik në minutën e 83-të shënoi dhe mjaftoi për kualifikimin e Juves.
Reprezentuesi shqiptar, Elseid Hysaj, është paraqitur nga minuta e parë për skuadrën romake.
