Trajneri i Realit është shoqëruar nga sulmuesi Rodrigo Goesh në konferencën për shtyp para takimit kundër Sitit. Braziliani, i cili e di mjaft mirë se çfarë do të thotë t’i shënosh “Qytetarëve” nuk e ka humbur besimin se kampionët e Europës do t’ia dalin me sukses edhe këtë herë kundër skuadrës së Guardiolës.
“Të luash kundër Sitit është e njëjta vështirësi si përherë. Ndeshja e parë ka shumë presion dhe e dimë se do të jetë e vështirë. Por jam i bindur se kalojmë. Nëse luajmë siç bëmë në sezonin e kaluar do t’ia dalim”, paralajmëroi Rodrigo.
Fakti që Ançeloti dhe Reali kanë zgjedhur Rodrigon mund të jetë dhe një shenjë besëtytnie. Sepse askush nga madrilenët nuk i ka shënuar aq shumë gola Sitit sa Rodrigo, katër të tillë.
“Fajin e ka trajneri Ançeloti për këtë, ka thënë me shaka Rodrigo. Natyrisht ai më ndihmon gjithnjë për të nxjerrë më të mirën nga unë. Punoj fort çdo ditë dhe ky është sekreti im”.
PANORAMASPORT.AL
