Rafael Varan është mbrojtësi më i ri i Komos. Ai është shprehur shumë entuziast për këtë transferim dhe është i lumtur që do të bashkëpunojë me ish-rivalin e tij Çesk Fabregas (Barcelona) kur ishte pjesë e Real Madridit.
“Jam shumë i lumtur dhe entuziast për këtë projekt të ri, mezi pres të filloj dhe të njoh ekipin dhe shokët e mi. Është edhe përgatitja fizike për sezonin e ri. Fillimisht isha kurioz të zbuloja se për çfarë bëhej fjalë dhe pak më vonë kuptova se sa i veçantë dhe i ndryshëm është ky projekt nga të gjithë të tjerët që më kishin propozuar, ndaj doja të dija më shumë. Sa më shumë zhytesha në projekt aq më interesant bëhej dhe kjo më dha një këndvështrim tjetër për atë që doja të bëja. Sapo u konkretizua, menjëherë shkoi në krye të listës sime dhe ne mundëm ta bënim atë. Jam vërtet shumë i lumtur. Ka shumë për të bërë dhe është shumë frymëzuese. Unë kam shumë përvojë në nivelin më të lartë dhe tani të jesh në gjendje të ndaj këtë njohuri për të ndihmuar një klub të ngrihet në majë është diçka e bukur. Do të takoj përsëri Çesk Fabregas por këtë herë jo si kundërshtar. Jam shumë i lumtur, më pëlqen shumë filozofia e tij e lojës dhe pasioni i tij për futbollin. Kur folëm ishte shumë e lehtë të kuptoheshim, kështu që shpresoj se ne do të kemi rezultate shumë pozitive në çdo rast, unë arrij me shumë përulësi për të ndihmuar skuadrën dhe klubin të rritet”, deklaroi Varan.
PANORAMASPORT.AL
