Ashtu si i gjithë ambienti kuqezi edhe ai do të kishte dashur një rezultat ndryshe, por përvoja e ka mësuar që futbolli ka edhe devijime.
Në analizën e ndeshjes morri pjesë edhe Alesandro Florenci që deklaroi: “Një buzëqeshje keqardhjeje kjo që kemi sot. Fituam dhe bëmë një lojë të mirë, sidomos në pjesën e dytë. Keqardhja për rënien në Ligën e Europës mbetet, por objektivi ishte i qartë. Më pas ndodhi ajo që ndodhi…”.
Pikërisht turneu i ri mund të jetë motivues pasi Milani nuk e ka fituar kurrë. 31-vjeçari premton përkushtim edhe në këtë rrugëtim të ri duke shtuar se: “Duhet të jetë një objektiv, ka skuadra të forta edhe në Ligën e Europës. Mendoj se duhet të shikojmë ndeshje pas ndeshje, të presim disa rikthime nga dëmtimet, por tashmë nga sonte kemi parë shumë ndryshime të forta”.
Në fund edhe një koment për rikthimin e rëndësishëm siç është ai i Leaos. Edhe Florenci i bën jehonë komenteve të Piolit. “Të gjithë e dinë se sa i rëndësishëm është Leao. Sot jam i zemëruar me të sepse duhet të kishte përfunduar ndeshjenme një dygolësh. Një lojtar si ai nuk duhet t’i humbasë ato mundësi”.
PANORAMASPORT.AL
