Nuk ka shënuar asnjë gol me aksion përballë tifozëve të tij në shtëpi për këtë start sezoni. Po flasin për Dushan Vlahoviçin që e ka nisur jo mirë këtë sezon me “Zonjën” ku pavarësisht topave të çuar në fundin e rrjetës ka qenë në qendër të kritikave për rastet e shumta të humbura.
Nga Komo te Roma e nga Empoli te Kaljari për të përfunduar më pas te sfida ndaj Parmës, rastet ku Vlahoviç humbet shumë raste tashmë janë kthyer në një shqetësim të vërtetë. Ishte minuta e 13-të kur bardhezinjtë që ishin në disavantazhin e një goli, shohin sesi Dushan Vlahoviç nuk çon dot në rrjetë një top që e ka në këmbë vetëm pak metra larg portës.
Ky është vetëm rasti i fundit që tregon se qartësia para portës po i mungon sulmuesit serb, ndoshta për shkak se nuk pushon, ose ndoshta për arsye të tjera. Ajo që po i bën drejtuesit e Juventusit, por edhe Tiago Motën të shqetësohen janë rastet e shumta të humbura. Serbi nuk është aspak i qartë përpara portës dhe në mungesë të një alternative tjetër, Mota duhet të punojë edhe më shumë për të bërë sulmuesin të finalizojë.
Megjithatë, vetëvlerësimi i lojtarit duhet të forcohet me kalimin e kohës, pasi shifrat e përgjithshme në aspektin personal, ku ka shënuar 8 gola në 13 ndeshje mes Champions-it dhe Serisë A flasin mirë për të. Ky është starti i dytë më i mirë në karrierën e tij, ku më mirë ka bërë vetëm në sezonin 2021-2022 ku shënoi 10 gola në startin e kampionatit. Pavarësisht golave, rastet e shumta flagrante të humbura vazhdojnë të shqetësojnë.
PANORAMASPORT.AL
