Tijjani Reijnders është bërë një nga lojtarët e pazëvendësueshëm të Stefano Piolit, por ka një fakt që na bën të reflektojmë për ndikimin e tij te Milani.
Në fakt, në 16 metrat e fundit lojtari mund të përmirësohet, pasi shifrat nuk janë në favor të tij.
Reijnders nuk është konkret me finalizimet, pasi kur e gjen veten që duhet të përfundojë aksionin, nga 18 përpjekjet e tij nga brenda zonës, vetëm dy i shndërroi në gola. Nga 7 tentativa nga jashtë zonës, lojtari nuk ka gjetur ende golin.
Reijnders po luan sezonin e tij të parë në Milano, pas një periudhe në Holandë te Az Alkmaar. Më parë, 25-vjeçari ka luajtur edhe për Zwolle.
