Davide Ançeloti prej vitesh është kthyer në krahun e djathtë të Karlo Ançelotit, duke qenë ndihmësi i parë i të atit në pankinën e Real Madrid, dhe disa sugjerime të tij që janë bërë publike edhe në media, kanë qenë të goditura në rrugëtimin e suksesshëm të madrilenëve në këto vite.
Davide është ngacmuar mbrëmë pas finales së fituar ndaj Borusia Dortmund në Ligën e Kampioneve se sa ndikon ai te vendimet e të atit dhe a po mendonte që të largohej dhe të provonte një aventurë vetë si trajner i parë.
“Karlo merr vendimet por mund të thuash që në ia çajmë dërrasat shumë, Nuk mund të durojë më, dëshiron të shkojë me pushime. Mendoj se do të shkojë në Montana të kullosë lopët dhe e meriton plotësisht.
Largim nga Madridi? E pamundur për mua, derisa të më nxjerrin me shkelma jashtë unë nuk largohem. Por një ditë do të dëshiroja të drejtoja i vetëm. Kjo do të jetë skuadra e tij e fundit dhe kur babai im të mos drejtojë më, atëherë do ta provoj vetë. Por ai mund të drejtojë derisa të bëhet 100 vjeç. Babai im është një person i cili më jep shumë përgjegjësi dhe ai është trajneri ideal për çdo ndihmës”, tha Davide Ançeloti pas finales së mbrëmshme.
PANORAMASPORT.AL
