Arlind Ibrahimi është dorëhequr nga klubi i volejbollit Ferizaj.
Ibrahimi ka bërë punë të madhe në këtë klub.
Largimi nga ferizajasit e ka bërë të ditur Arlind Ibrahimi.
“Dua t’ju njoftoj se pas një periudhe të mrekullueshme bashkëpunimi, ka ardhur momenti që të largohem nga detyra e trajnerit të KV Ferizaj.
Jam mirënjohës për çdo moment të kaluar me këtë ekip – për përkushtimin e lojtarëve, mbështetjen e stafit dhe dashamirësinë e tifozëve. Së bashku kemi ndarë sfida dhe suksese që nuk do t’i harroj kurrë.
Ju falënderoj të gjithëve për besimin dhe bashkëpunimin gjatë kësaj kohe. K.V. Ferizaj do të ketë gjithmonë mbështetjen dhe respektin tim, dhe i uroj ekipit vetëm suksese në të ardhmen”, njofton Arlind Ibrahimi.
