Imagjinojeni një rikthim romantik…
Santosi është duke punuar për rikthimin e legjendarit të tij, Neymar Junior.
Gazetari sportiv dhe eksperti i transfereve, Fabrizio Romano raporton se bisedimet e klubit brazilian me Al Hilalin tashmë kanë nisur.
Santosi në fakt po e kërkon përfaqësuesin brazilian në formë huazimi deri në fund të sezonit, ndërsa po e pret përgjigjen definitive nga klubi saudit.
Koha do të varet nga vendimi i Al Hilal, por kërkesa për huazim tashmë është dorëzuar dhe Neymar po ashtu po e pret rezultatin përfundimtar.
Neymar ishte rikthyer nga një lëndim i rëndë, i cili e kishte lënë jashtë fushës së blertë për një vit, ndërsa u lëndua shpejt dhe për momentin është ende jashtë fushës së blertë.
Klubi nga Saudi Pro League nuk llogarit më në shërbimet e ish-futbollistit të Barcelonës dhe Paris Saint-Germainit pasi është lodhur duke e pritur atë.
Neymar i ka zhvilluar vetëm dy ndeshje në vitin 2024.
Për të spekulohet se mund t’i bashkohet edhe klubit amerikan, Inter Miami, ku do ta formonte atë treshen e famshme të Barcelonës, MSN, së bashku me Leo Messin dhe Luis Suarezin.
