Ethet e Lojërave Olimpike Dimërore kanë filluar tashmë në Milano. Përveç turistëve, eventi ka tërhequr edhe figura të shquara nga bota e sportit, siç është Gianni Infantino. Presidenti i FIFA-s e kaloi mbrëmjen e së martës (3 shkurt), në shoqërinë e shumë figurave të njohura nga Serie A.
Në foton e shpërndarë në rrjetet sociale, një listë e gjatë e yjeve të mëparshëm dhe aktualë të futbollit italian shihen rreth një tavoline në restorantin në Milano: nga presidentët Marotta dhe Suëarso, te ish-presidenti i zikaltërve Eric Thoir dhe Adriano Galliani.
Komenti i presidentit të UEFA-s, që shoqëron foton, thotë: “Një mbrëmje kushtuar futbollit, në Milano, në pritje të Lojërave Olimpike dhe Paralimpike Dimërore”.
Infantino do ta shfrytëzojë vizitën e tij në Milano për të ndjekur ekipin e tij të preferuar, Interin. Presidenti i UEFA-s nuk e ka fshehur kurrë besnikërinë e tij ndaj zikaltërve dhe sonte do të jetë në tribunat e stadiumit U-Power për të ndjekur ndeshjen e raundit të 1/8 së Kupës së Italisë midis Interit dhe Torinos.
