Sipas “Opta Predictor”, Inter është favoriti kryesor për të fituar titullin kampion këtë sezon në Serie A. Sipas parashikimeve të super kompjuterit, Interi ka 45% mundësi për të fituar “Scudetton” duke grumbulluar të paktën 78 pikë. Roma në vend të dytë me 73 pikë, me 22% të mundësive për të fituar titullin kampion. Zikaltërve dhe verdhekuqëve do t’u bashkohet në zonën e Champions League, Como dhe Juventus, pra vendi i tretë dhe i katërt.
Milan renditet i pesti, Lazio në vend të gjashtë, edhe pse e ka nisur mjaft mirë këtë sezon. Surpriza më e madhe është se algoritmi kompjuterik parashikon që Napoli i Max Allegri-t do të përfundojë vetëm në vendin e shtatë, pozicion që do t’i garantonte vetëm një vend në Conference League.
Atalanta, Cagliari dhe Sassuolo, janë tre ekipet që do të plotësojnë dhjetëshen e parë. Përsa i përket ekipeve që do të shkojnë në Serie B, Venezia duket 100% e sigurt, ndërsa beteja për dy vendet e tjera do të jetë mes 4 klubeve: Parma, Genoa, Monza dhe Lecce.
