Pas fitoreve ndaj Ajax-it, Sassuolos dhe Cagliarit, Interi kërkon pokerin. Nesër në “San Siro” vjen Slavia Praga për ndeshjen e dytë të fazës së grupeve të Champions League. Christian Chivu prezantoi në konferencë përballjen me çekët, të cilët në ndeshjen e parë barazuan me Bodo/Glimt.
“Ekziston një vijë e hollë mes një humbjeje dhe një fitoreje, edhe pse paraqitjet kanë qenë pozitive edhe ndaj Udineses dhe Juves, – deklaroi trajneri për Sky Sport. – Fitorja të ndryshon nivelin e vëmendjes, dëshirën për të qenë dominues, për të kuptuar ndeshjen dhe momentet. Ky ekip e ka merituar atë që ka marrë javët e fundit.”
Për katër ndeshjet e para në letër më të thjeshtat: “Shkojmë ndeshje pas ndeshjeje. Champions League nuk është e lehtë, të gjitha skuadrat janë të forta, mund të të vënë në vështirësi dhe kanë cilësi e dëshirë për rezultat. Ne mendojmë për Slavia-n, që është ndeshja më e rëndësishme.”
Për skuadrën çeke: “Kanë intensitet dhe lojë direkte, sjellin shumë lojtarë në gjysmën tënde të fushës, me shumë njerëz në zonë në fazën sulmuese, është një skuadër me forcë dhe cilësi. Duhet të jemi të kujdesshëm, të bëjmë lojën tonë, t’u heqim atyre pikat më të forta dhe të jemi dominues.”
Për formacionin: “Doni të gjithë formacionin. Sommer do të kthehet dhe këtu ndalem: kemi një grup lojtarësh me vlera, që po punojnë mirë dhe po më vënë në vështirësi në zgjedhjet e mia. Të gjithë japin kontributin e tyre dhe ky është një meritë. Ky grup vihet në dispozicion dhe kupton momentet e zgjedhjet e trajnerit: kjo i nderon.”
