Lautaro Martinez ka blinduar kualifikimin e Inter-it në 1/8-at e Champions League dhe falë golave të tij po afron edhe rinovimi i kontratës me zikaltrit.
Menaxheri i tij Alejandro Camaño pritet së shpejti në Milano për një takim të ri me Marotta dhe Ausilio, me dëshirën e qartë nga të dyja palët për të përshpejtuar dhe arritur marrëveshjen për zgjatjen e kontratës që skadon në qershor 2026.
Rinovim dyvjeçar në tavolinë për ‘Demin’ me rreth 8 milionë euro në sezon (përfshirë bonuset), dy më shumë se marrëveshja aktuale prej 6 milionë neto.
Dhe thesari nga Champions League për kualifikimin në 1/8-at do të lehtësojë më tej negociatat: Interi ka mbledhur tashmë mbi 61 milionë euro nga kompeticioni europian, pas çekut me tre shifra të përfituar nga edicioni i fundit.
Për më tepër, kualifikimi në 1/8-at e edicionit aktual siguron edhe kualifikimin për Botërorin e ri për Klube (që do të luhet në verën e vitit 2025 në Shtetet e Bashkuara) që do të sjellë të paktën 50 milionë të tjera në arkat e klubit të Zhang.
