Inter ka lënë pas zhgënjimin pas eliminimit në Champions League nga Bodo/Glimt. Zikaltrit kanë ituar 2-0 ndaj Genoa, në sfidën e luajtur në “San Siro”, e vlefshme për javën e 27-të në Serie A.
Rasti i parë i rrezikshëm do të vinte në minutën e 23-të, ku goditja e devijuar e Henrikh Mkhitaryan do të përplasej në traversë.
Në minutën e 30-të, Inter pati një tjetër rast të mirë me Ange-Yoan Bonny, por goditja me kokë e sulmuesit francez u ndal në mënyrë të suksesshme nga portieri i Genoa.
Sfida u zhbllokua një minutë më pas, ku pas një kombinimi perfekt Dimarco-Mkhitaryan, ishtë anësori zikaltër që dërgoi topin në rrjetë me një goditje të fuqishme me të majtën. Pjesa e parë mbyllet 1-0 për zikaltrit.
Në minutën e 70-të, krosimi i Luis Henrique ndalet me dorë brenda zonës, penallti për Interin. Hakan Calhanoglu i futur si zëvendësues në pjesën e dytë, tregohet i saktë nga 11-metrat.
Inter fiton 2-0 dhe aktualisht kryeson me 13 pikë më shumë se ndjekësi më i afërt që është Milan, që luan nesër në transfertën ndaj Cremonese.
