Inter Majemi ka refuzuar propozimin e Barcelonës për të zhvilluar një ndeshje miqësore mes dy klubeve korrikun e ardhshëm.
Sipas “El Mundo Deportivos”, klubi që zotërohet nga legjenda e futbollit anglez, David Bekam, si bashkëpronar, nuk e pranoi propozimin.
Arsyeja ka të bëjë me faktin që muajin korrik MLS është në mesin e sezonit dhe një ndeshje jashtë programit në këtë kohë vetëm se do të konsumonte lojtarët e ekipit nga Florida.
Për më tepër, ekzistonte mundësia që Lionel Mesi të mos ishte i disponueshëm për ndeshjen, pasi pritet të jetë me Argjentinën në Kupën e Amerikës, e cila do të zhvillohet mes 20 qershorit dhe 14 korrikut.
PANORAMASPORT.AL
