Henrikh Mkhitaryan reflekton mbi humbjen e Interit në finalen e Ligës së Kampionëve ndaj PSG-së në Mynih: “Shpjegimi që jap është se pasi eliminuam Bayernin dhe Barcelonën në katër ndeshje të shkëlqyera, menduam se do të fitonim edhe kundër PSG-së. Gjithçka ishte gabim, nga mëngjesi deri në momentin e fundit”.
Pas finales së Mynihut, Simone Inzaghi, trajneri me të cilin armeni është qartësisht shumë i afërt, gjithashtu i tha lamtumirë: “Kalova vite të mrekullueshme me Inzaghin, ai më dha një rini të dytë, më bëri të ndihem i rëndësishëm. Ai është një trajner, një baba dhe një mik. Inzaghi e njeh futbollin dhe mund të flasësh me të për çdo gjë. Por unë gjithmonë jam përpjekur të mos kaloj vijën: ai është trajneri, unë jam lojtari i tij. Ai ishte një trajner shumë i rëndësishëm për Interin”.
“Pse Chivu më lejon të luaj më pak? Nuk mund ta harroj që së shpejti do të mbush 37 vjeç. Kam një dëshirë të fortë për të luajtur, aq shumë, por duhet t’i kuptosh vendimet e trajnerit. Jam gati ta ndihmoj ekipin, madje edhe duke luajtur një ndeshje në javë. Nëse do të isha 24 vjeç, do ta përballesha me të përse nuk luaj gjatë gjithë kohës, por tani e kuptoj se nuk jam më i njëjti siç isha disa vite më parë. Flas me shumë respekt për të. Shoh një trajner që dëshiron të rritet dhe të mësojë çdo ditë. Mendoj se ai ka një të ardhme të shkëlqyer”.
