Në datën 10 qershor do të luhet finalja e Ligës së Kampioneve mes Interit dhe Mançester Sitit. Dy skuadrat do të tentojnë të mbyllin sezonin me një tjetër trofe, i cili është natyrisht edhe më i rëndësishmi.
Në Stamboll do të jenë me mijëra tifozë dhe me mijëra të tjerë nuk kanë mundur të kenë një biletë, megjithatë “San Siro” ka hapur dyert për tifozerinë zikaltër. Në unazën e dytë të sektorit portokalli, do të vihet një monitor gjigand, sipërfaqja e të cilit arrin në 400 metra katror dhe tifozët do të kenë mundësi të shohin ndeshjen.
Vetëm pak ditë pasi biletat dolën në shitje, tifozët i kanë marrë dhe tashmë nuk ka asnjë vend të lirë në stadium. Në total, janë shitur 43 mijë bileta e çmimi i tyre ishte relativisht i lirë. 20 euro kushtonte bileta më e shtrenjtë.
PANORAMASPORT.AL
