Lazar Samarxhiç do të jetë lojtari më i ri i Interit. Mesfushori serb i Udinezes ka kryer paraditen e sotme vizitat mjekësore me Interin, teksa pasdite pritet që të mbërrijë në zyrat e klubit për të firmosur kontratën dhe më pas do të prezantohet si lojtari më i ri në skuadër.
Samarxhiç vjen te Interi nga Udineze, teksa debutimi i tij nuk do të vonojë shumë. Mediat italiane raportojnë se mesfushori do të jetë i gatshëm që në ndeshjen e së dielës, aty ku Interi do të luajë një miqësore me Egnatian në Ferrara.
Së bashku me Samarxhiç, në fushë pritet të zbresë edhe Lautaro Martinez. Sulmuesi argjentinas kishte një dëmtim të lehtë dhe ndaj Salcburgut nuk ishte me skuadrën ndërkohë që në ndeshjen ndaj rrogozhinasve, pritet që të ketë minuta.
#Inter, visite al Coni anche per Lazar #Samardzic ⚫️🔵 pic.twitter.com/b8N1wpiheH
— Daniele Mari (@marifcinter) August 10, 2023
PANORAMASPORT.AL
