Interi dhe Milani shkojnë në pauzën e kombëtareve si bashkëkryesuese të Serisë A. Të dy skuadrat milanezë kanë marrë pikët e plota në këto tre javë dhe si për ironi të fatit, kur të kthehen do të diskutojnë kreun mes tyre në një përballje direkte sapo të kthehen pas saj.
Një sfidë e tillë është gjithmonë e ndezur dhe rivalizuese, por për të dy skuadrat këtë herë do të ketë një shije ndryshe, edhe pse bëhet fjalë për javët e para të kampionatit.
Kjo, pasi një ndeshje derbi me dy skuadrat që ndajnë bashkë vendin e parë në kryesim, nuk ndodh shumë shpesh. Për herë të fundit në fakt ka ndodhur në vitin 1962. Asokohe, ishte ndeshja e fazës së dytë të kampionatit dhe Interi ishte ai që fitoi derbin me shifrat 2-0. Por në fund, ajo që fitoi kampionatin ishte Milani.
PANORAMASPORT.AL