Juventusi u mposht nga Interi në “San Siro” me rezultatin 1-0, duke bërë që diferenca me zikaltërit të thelloje në 4 pikë, teksa skuadra e Inzagit ka edhe një ndeshje më pak.
Në lidhje me këtë përballje foli edhe trajneri i bardhezinjve, Masimiliano Alegri, që në prononcimin e dhënë për mikrofonin e “DAZN” pas humbjes ndaj Interit u shpreh:
“Nuk e di nëse është ndeshja e titullit, ne duhet të bëjmë rrugëtimin tonë. E dinim që Interi është i fortë, pjesa e parë ishte e bllokuar, ata gjetëm golin, ndërsa ne patëm një mundësi të ngjashme në fushë të hapur me Vlahoviçin. Në të dytën ndeshja u hap, ishte më argëtuese për t’u parë. Gjithmonë ka një mbrëmje të keqe gjatë sezonit. Luajtëm kundër një ekipi të fortë si Interi, i cili meriton vendin e parë në tabelë.
A është Interi shumë i fortë se Juventusi? Askush në qershor nuk do ta kishte imagjinuar se do të ishim në këtë pozicion në renditje. Pastaj për lojën e gazetarëve është normale të thuash Inter kundër Juventusit, por janë rrugë të ndryshme.
Jemi të zemëruar sepse humbëm një ndeshje që mund të na ngrinte në këmbë. Interi është favorit për titullin, nuk kërkon shumë kohë për ta zbuluar dhe do të mbetet i tillë. Milani është 4 pikë prapa, kampionati është ende i gjatë dhe mund të ndodhin ngjarje të paparashikuara.”
PANORAMASPORT.AL
