Inter i Chivu rikthehet në fushë gati një muaj nga ndeshja e fundit që luajti sezonin e kaluar ku u eliminua nga Kupa e Botës për Klube nga skuadra e Fluminense.
Zikaltrit u ndeshën me ekipin e moshave deri në 23 vjeç për të rigjetur ritmin e humbur në pushimet verore. Ndeshja e zhvilluar në Pinetina, ku Interi sfidonte ekipin që do të debutojë në Serie C pas pak ditësh, përfundoi me shifrat 7-2 ndërsa në listën e golashënuesve vendosi emrin e tij edhe Kristjan Asllani.
Shqiptari ishte autor i goli të 3-2 në minutën e 32’ kur mposhti Melgrati nga pika e bardhë pas penalltisë të fituar nga Bonny. Aktivizimi i shqiptarit nga minuta e parë ka lënë disi dyshime sa i përket të ardhmes së tij në Milano pasi vetëm pak ditë më parë drejtuesit e klubit deklaruan se mesfushori ishte në listën e lojtarëve në dalje.
INTER (3-5-2): Sommer; Darmian, De Vrij, Bastoni; Dumfries, Sucic, Asllani, Mkhitaryan, Carlos Augusto; Bonny, Lautaro.
Trajner: Cristian Chivu
INTER U-23, (3-5-2) Melgrati; Re Ceçoni, Prestia, Alexiou; Cinquegrano, Berenbruch, Bovo, Kamate, Coçhi; Mosconi, Spinaccè.
Trajner: Stefano Vecchi
