Xhuzepe Marota është gjithmonë pranë Interit dhe administratori i deleguar që tani po mendon për përforcimet e radhës, siç ka treguar në intervistën e dhënë për “Prime Video”.
Ky Inter është më racional dhe më i kompletuar se në të kaluarën. Ka një ndërgjegjësim më të madh që vjen, por edhe tregohet nga rezultatet e këtij grupi. Ne duhet ta nderojmë këtë aspekt dhe sot ka pasur në fushë lojtarë të rinj, por shumë teknikë.
Çfarë do të thotë rotacioni për ju? Si e vlerësoni Inzagin?
Ne luajmë shumë ndeshje, është e drejtë të krijosh një ekip të gjerë, pastaj i takon trajnerit që të përcaktojë si do t’i përdorë. Inzagi po e bën këtë në mënyrën më të mirë të mundshme. Kemi një skuadër titullarësh dhe bashkëtitullarësh, nuk mendoj se do të ndihet mungesa e elementëve të caktuar. Jemi shumë të lumtur ne trajnerin, e kemi vënë re rritjen e tij. Ai është i zoti, pastaj ka përvojë dhe kompetencë dhe kështu arrin maksimumin. Po ndërton një mentalitet fitues në Itali dhe në Europë, edhe pse është ende në kategorinë e trajnerëve të rinj dhe ka ende hapësirë përmirësimi..
Me bonusin e futur në xhep nga UEFA, çfarë dhurate planifikoni t’u bëni tifozëve? Ndoshta Konate?
Ne kemi një buxhet që na thotë të respektojmë disa objektiva. Të kalosh grupin është një nga objektivat, duhet të shikojmë anën sportive, por edhe atë ekonomike. Ky grup po na jep shumë kënaqësi. Na pëlqen Konate, por ai nuk është i vetmi. Ka shumë lojtarë në listën tonë dhe ata të klubeve të tjera.
PANORAMASPORT.AL