Interi raportohet se ka bërë ofertën e re për Romelu Lukakun dhe po pret që Chelsea të japë një përgjigje, ndërsa Valentin Carboni po shkon drejt Monzas.
Sipas ekspertit të transferimeve të ‘Sky Sport Italia’, Gianluca Di Marzio, propozimi i dytë u bë sot pasi një ofertë fillestare prej 25 milionë euro plus bonuse u refuzua.
Oferta e re dhe e përmirësuar besohet të jetë 30 milionë euro plus shtesat.
Kjo është ende shumë larg çmimit të kërkuar prej 45 milionë eurosh të vendosur nga Chelsea, por ‘Sportitalia’ kishte raportuar mbrëmë se Interi nuk ka ndërmend të shkojë mbi 35 milionë euro duke përfshirë bonuset.
Kjo do të sugjeronte se ky është kufiri që ata do të arrijnë në këtë fazë të verës për reprezentuesin belg, i cili e ka bërë të qartë se dëshiron të luajë vetëm për ‘Nerazzurrët’.
Chelsea e bleu Lukakun nga Interi për 115 milionë euro në gusht 2021, më pas e huazoi sërish verën e kaluar për 8 milionë euro plus bonuse të lidhura me performancën.
Ata po refuzojnë të lejojnë një tjetër huazim, kështu që Interi po përpiqet të blejë Lukakun direkt.
Ndërkohë, Interi është gjithashtu i vendosur të huazojë sulmuesin argjentinas Valentin Carboni te skuadra e Serie A Monza.
Nuk është aspak befasuese, pasi vëllai i tij Franko tashmë luan për Monza dhe babai i tyre Ezequiel është trajner i ekipit të të rinjve të Monzas./Lajmi.net/
